Kurdistaniyên ku li Qada Canebiere li hev kom bûn, pankarta “Kobanê azad bû, hilweşiya lê li ser piyan e. Em piştgirî bidin Rojava” vekirin û meşiyan. Her wiha pankartên “Heta jin azad nebe civak azad nabe”, “Ji Ocalan û hemû girtiyên siyasî re azadî” qîriyan. Girse li qada Vieux Port li hev kom bûn û li ser navê saziyan berxwedana Kobanê hatin silavkirin û hate xwestin ku modela siyasî ya Rojava bê qebûlkirin.

Piştî axaftinan govend hate gerandin.

Saziyên ku ji bo meşê bang kirin ev in: Alternative Libertaire Marseille, Navenda Çandê ya Kurdan a Demokratîk a Marsîlyayê, Kolektîfa Rojava ya Marsîlyayê, Koma Germinal (Federasyona Anarşîstan), Partiya Komunîst a Fransa, Partiya Dijî-Kapîtalîst, Meşa Jinên Cîhanê 13 PACA, Ciwanên Azad, ÎHD 13, saziya li dijî nîjadperestiyê MRAP, Berxwedana Îro, Rouges Vifs û Komeleya Piştevanî û Azadiyê.