Duh 300 sivîlên Kurd ên ji Kantona Efrînê li gundê Tiqad ê 20 kîlo metre dikeve rojavayê bajarê Helebê ji aliyê Cebhit El- Nusra ve li ser bendê kontirolê yê Teyara hatibûn revandin. Welatiyên ku hatibûn revandin tevî otobûsên wan ji Desteya Şerîî ya bajarokê El- Dana ya başûrê Idlibê ya di bin serweriya Cebhit El- Nusra de ye re hatibûn şandin.  

Piştî destwerdana Desteya Parastinê ya Kantona Efrînê  hemû girît serbest hatin berdan. Girtî îro gihiştin navenda Asayîşê ya navçeya Cindirêsê û her kes çûn malên xwe.  

Çavkaniyekê  ji Desteya Parastinê ya Kantona Efrînê ji ANHA´ê re ragihand ku piştî destwerdana wan girtî serbest hatin berdan. Heman çavkaniyê ragihand ku otobîs û tirimpêlên ku rêwî tê de hatin girtin, hîna li bajarokê El- Dana ya Idlibê ragirtîne.

Çavkaniyê diyar kir otopîs û tirimpêlên ku li bajarê Danayê ragirtîne 5 otobîsên  şîrketên˝ Henî Mon, Kelas, Şêrewayî, Mixtar û Hemreş˝ in. Her wiha tirimpêlên ji cureyên bîk ab, mîkro bas û teksiyekê ne.