Cenazeyê şervana YPJ’ê Evîn Hesekê spartin axê

Bi sedan welatiyên bajarê Hesekê cenazeyê şervana YPJ’ê Narîman Darih (Evîn Hesekê) ku 8’ê gulanê di berxwedana gundê Til Mecdel a di navbera Hesekê û Til Temir de jiyana xwe ji dest dabû spartin axê.

Cenazeyê şervana YPJ’ê Evîn Hesekê spartin axê
Bi sedan welatiyên bajarê Hesekê cenazeyê şervana YPJ’ê Narîman Darih (Evîn Hesekê) ku 8’ê gulanê di berxwedana gundê Til Mecdel a di navbera Hesekê û Til Temir de jiyana xwe ji dest dabû spartin axê.


Bi sedan kesî cenazeyê şervana YPJ’ê Evîn Hesekê ji Saziya Malbatên Şehîdan a Hesekê wergirtin. Girseya ku posterên Rêberê Gelê Kurd Abdulah Ocalan û wêneyên şervanan YPJ’ê Evîn Hesekê vekiribûn, alên TEV-DEM, YPJ, YPG’ê hilgirtibûn û bê navber diurşme beriz dikirin cenaze bi karwanekî tirmpêlan ber bi goristana Şehîd Dijwar a li gundê Dawidiyê ya Hesekê derketin rê.

Di riya ketina goristanê de girse ji tirmpêlan daketin û cenaze li ser milan kirin û bi diurşmeyan heta goristanê meşiyan. Li vir merasîm hate lidarxistin.

Merasîm bi rêzgirtinê dest pê kir. Paşê li ser navê Saziya Malbatên Şehîdan a Hesekê Ezîz Dawê axivî berxwedana hêzên YPG/YPJ’ê ya li herêmê silav kir û soza şopandina riya cangoriyan da. Di merasîmê de her wiha li ser navê Rêveberiya Xweseriya Demokratîk a Cizîrê Endamê Meclîsa Zagonsz Ekrem Mehşûş axivî û bal kişand ser rola berxwedana şervanên YPG û YPJ’ê ya ji bo parstina hemû pêkhateyan û ev tişt got: ˮEm wekî pêkateyên Kantona Cizîrê baş dizanin ku em bi saya berxwedêrên xwe bi biratî li ser xaka xwe jiyan dikin. Em bi berxwedana şervanên YPG û YPJ’ê îro azad in, bi saya berxwedana wan îro herêma Çiyayê Kizwanan (Ebdulezîz) û gelek gundên herêmê hatine rizgarkirin. Rizgarkirina wê herêmê destkeftiya hemû pêkhateyên herêmê ye.ˮ

Endama Rêveber a TEV-DEM’ê Nûcan Hesen jî di merasîmê de axivî û bal kişand ser berxwedana şervana YPJ’ê Evîn Hesekê û da zanîn ku Evîn fedekariyeke mezin kiriye û ji bo rizgarkirina herêma rojavayê Kantona û Çiyayê Kizwanan canê xwe feda kir. Di dema em Evîn oxir dikin pêngava YPG/YPJ’ê ya rizgarkirina herêmê bê navber didome. Bi keda Evîn û hevalên wê dê hemû herêmê ji çeteyan rizgar bibe.ˮ

Di merasîmê de li ser navê malbata şervana YPJ’ê Evîn Hesekê apê wê Cemal Tahir axivî û soza şopandina riya Evîn û hemû hevalên wê da.

Piştî axaftinê girseya gel cenazeyê şervana YPJ’ê Evîn Hesekê bi diurşmeyan spartin axê.

Güncelleme Tarihi: 24 Mayıs 2015, 19:29
YORUM EKLE
SIRADAKİ HABER