Li gorî daxuyaniya nivîskî ya YPG'ê, li hemberî çeteyên DAIŞ'ê yên di cejna Newrozê de li hemberî sivîlan li Hesekê êrîşên bombeyî pêk anîn, şervanên YPG/YPJ'ê dest bi operasyona bîranîna 'Şehîdên Hesekê' kirin. Şervanên YPG/YPJ'ê li gundê Horik ê li başûrrojhilatê Kobanê dor li çeteyan girtin. Di encama pevçûnên li vê derê de 5 çeteyên DAIŞ'ê hatin kuştin. Her wiha hawanek û 2 maşînên çeteyan hatin rûxandin.

Her wiha gundên Qazan, Baxê, Til Xemir û Girê Derfilikê ji çeteyên DAIŞ'ê hatin azadkirin. Rêyên gundên Xerabeşk û Çelebî yên li başûrrojhilatê Kobanê ku xwedî girîngiyeke stratejîk in, ketin bin kontrola şervanên YPG/YPJ'ê.

Di çarçoveya pêngava berxwedanê de, di nava 24 saetên DAIŞ'ê de 27 cesedên çeteyan ketin destê şervanên YPG/YPJ'ê.

Di pevçûnan de 6 çekên BKC, 5 B7, 13 kalaşnîkov, 1600 fîşekên kalaşnîkovê, çekek sûîqestê ya Kanas, 23 bombeyên destan, 41 rext, 8 mayîn, 1 çeka Buruno, bêtêlek û 10 çenteyên piştê hatin desteserkirin.

Pêngava paqijkirinê li sê aliyên Kobanê dewam dike.